ޔޫރަޕްގެ ބާޒާރުތަކުގައި ގޭހުގެ އަގު ބުރާސްފަތި ދުވަހު ވަނީ ކިއުބިކް މީޓަރަކަށް 500 ޑޮލަރަށްވުރެ މައްޗަށް އަރާފައެވެ. މިއީ މިދިޔަ މާރިޗު މަހުގެ 21 ވަނަ ދުވަހަށްފަހު ގޭހުގެ އަގު މިހާ މައްޗަށް ދިޔަ ފުރަތަމަ ފަހަރެވެ.
މޮސްކޯ ގަޑިން ހެނދުނު 10:40 ހާއިރު، ޔޫރަޕްގެ އެންމެ ބޮޑު ގޭސް ޓްރޭޑިންގ ޕްލެޓްފޯމް ކަމަށްވާ ޓީޓީއެފް ހަބްގައި ފެބްރުއަރީ މަހުގެ ފިއުޗާސް އަގުތައް ވަނީ 3 އިންސައްތަ އިތުރުވެ، ކިއުބިކް މީޓަރަކަށް 489 ޑޮލަރަށް ޖެހިފައެވެ. މީގެ ކުރިން ބާޒާރު ހުޅުވުނުއިރު އަގުތައް ވަނީ 6.4 އިންސައްތަ އުފުލި، 505.3 ޑޮލަރަށް އަރާފައެވެ.
ނިމިދިޔަ އަހަރު ޔޫރަޕްގެ ގޭސް ފިއުޗާސްގެ އެވްރެޖް އަގު ހުރީ ކިއުބިކް މީޓަރަކަށް ގާތްގަނޑަކަށް 420 ޑޮލަރުގައެވެ. މިއީ 2022 ވަނަ އަހަރު ރެކޯޑް ކުރެވުނު އެވްރެޖް އަގަށްވުރެ ގާތްގަނޑަކަށް 9 އިންސައްތަ އިތުރު އަދަދެކެވެ.
